ഒറ്റവരി രാമന്‍

വായില്ലാകുന്നിലപ്പന്‍

2010-06-09T07:17:00.000-07:00

സ്വര്‍ണ (സുവര്‍ണ്ണ) മൗനത്തിന്റെ വിലകുറയാന്‍ കാത്തിരിക്കുന്നു ഞാന്‍.

Deemed യൂണിവേര്‍സിറ്റി

2010-03-09T11:13:00.000-08:00

അവസാന കോപ്പി സ്റ്റാട്ട്യുട്ട്സ്, അടിച്ചുവാരി കത്തിച്ച തൂപ്പുകാരി ശാന്ത, അറുപതാണ്ടിനിപ്പുറം 'സ്വതന്ത്ര യൂണിവേര്‍സിറ്റി' പ്രസ്ഥാനത്തിന്റെ മാതാവായി അറിയപ്പെടുന്നു.

മെഇട് ഇന്‍ ചൈന

2010-03-02T03:10:00.000-08:00

മനുഷ്യനെ വാറ്റവേ ദൈവം പുലമ്പി,
മേല്‍പ്രാന്തും...കീഴ്‌പ്രാന്തും...സമം.

അന്തരാളം!

2010-02-27T11:00:00.000-08:00

എന്നോടുപിണങ്ങി തിരിഞ്ഞു,
തിളയ്ക്കുന്ന ചേമ്പിനെ പിച്ചി കൈ പോള്ളിച്ചവള്‍ ചിണുങ്ങി,
"ഉള്ളു വെന്തോന്നു നോക്കിയതാ"

ധവളപത്രം

2010-02-26T02:37:00.000-08:00

ഞാന്‍ എന്റെതും, അവള്‍ അവളുടേതും കാണിച്ചു കഴിഞ്ഞിട്ടും ഒന്നും തോന്നായ്കയാല്‍ കുടിച്ച മദ്യത്തെ പഴിച്ചു കിടന്നുറങ്ങി.

ലാടഗുരു

2010-02-24T02:53:00.000-08:00

വേവിന്റെയും, തിളയുടെയും, ഉണക്കിന്റെയും, കണക്കു തെറ്റിച്ച വേനലിനെ നോക്കി പകച്ചവരുടെ ഇടയില്‍ നിന്നൊരു ലാടന്‍ കൂവി വിളിച്ചു "അത്യുഷ്ണത്തിനസിയാന്‍".

കുലുക്കം

2010-02-22T22:05:00.000-08:00

റിക്ട്ടര്‍ സ്കേലില്‍ 5.5 രേഘപെടുത്തിയ ഭൂമികുലുക്കത്തോട് എന്റെ ഭര്‍ത്താവ് പ്രതികരിച്ചത് "ഇന്ന് വയ്യ, നാളെ ആകട്ടെ പൊന്നെ" എന്നായിരുന്നു.

മരണം version 2.0

2010-02-11T11:06:00.000-08:00

ഏങ്ങലടിച്ചു കരയുന്ന അമ്മയുടെ ചെവിയില്‍ ഉണ്ണികുട്ടന്‍ ചോദിച്ചു, " അമ്മെ....അമ്മെ, ഈ മരിച്ചു പോണോരുടെ ഓര്‍ക്കുട്ട് അക്കൌണ്ടിനൊക്കെ എന്താ പറ്റുന്നെ ? "

മീഡിയ സിംപതി

2010-02-09T23:49:00.000-08:00

ആ വാര്‍ത്ത വായിച്ചവര്‍ വായിച്ചവര്‍ ഓടിയെത്തി തകര്‍ന്ന കാറിന്റെ ഡ്രൈവറെ ആശ്വസിപ്പിക്കവേ, ടയറിനടിയില്‍, ഒരാറു വയസ്സുകാരിയുടെ നിലയ്ക്കാറായ ശ്വാസം കുടുങ്ങി കിടന്നിരുന്നു.

സ്വയംവരം

2010-02-09T09:09:00.000-08:00

നടക്കാന്‍ മടിച്ചിട്ട് ചിറ്റപ്പന്‍ വീട്ടില്‍ നിന്നു തന്നെ പെണ്ണ് കെട്ടി.

+പഴയ മലയാളം പ്രയോഗത്തില്‍ നിന്നും കടം കൊണ്ടത്‌

വിദ്യാ-തോന്ന്യാസം

2010-02-08T10:11:00.000-08:00

റിസല്‍റ്റ് വന്നപ്പോള്‍, കളിച്ചു നടന്ന ആന ജയിച്ചതിനും,പഠിച്ചു തളര്‍ന്ന ഉറുമ്പ് തോറ്റതിനും കാരണം പറഞ്ഞതോ, "ആന മാനേജ്മെന്റ് ക്വോട്ട ആയിരുന്നെന്ന്‌".

നഷ്ട കച്ചവടം

2010-02-07T23:11:00.000-08:00

തന്റെ ആത്മഹത്യയുടെ മുഴുവന്‍ ക്രെഡിറ്റും കാമുകന്‍ സ്വന്തമാക്കുന്നത് കണ്ട്‌ അവളുടെ ആത്മശാന്തി നഷ്ടപ്പെട്ടു.

ഫുള്ളി ഓട്ടോമാറ്റിക്

2010-02-05T03:44:00.000-08:00

.
പുതുപെണ്ണിന്റെ ഷോപ്പിംഗ്‌ ലിസ്റ്റിലെ ആദ്യ ഇനം ഒരു 'ഫുള്ളി ഓട്ടോമാറ്റിക് പ്രസവയന്ത്രമായിരുന്നു'.

വികടന്-റസ്റ്റ്‌ ഇന്‍ പീസ്

2010-02-04T10:16:00.000-08:00

മഹാകവി എന്നത് തന്റെ തൂലിക നാമം മാത്രമായിരുന്നു എന്ന മരണകിടക്കയിലെ കുറ്റസമ്മതവും കൂട്ടിപൊതിഞ്ഞ് സൈനിക ബഹുമതികളോടെ അയാളെ കുഴിച്ചിട്ടു.

ജെനറേഷന്‍ ഗ്യാപ്പ്

2010-02-03T11:55:00.000-08:00

കുത്തിയിരുന്നു തൂറിയത് മാത്രമേ തനിക്ക് ഓര്‍മയുള്ളൂ എന്നും, ഇരുന്നതു യുറോപ്പില്‍ ആണെന്നും, അതിനു 'ജെനറേഷന്‍ ഗ്യാപ്പ്' എന്ന വിള്ളലുണ്ടായിരുന്നെന്നും, അതിലൂടെ ഊര്‍ന്നു വീണതിന്റെ ബില്ല് ലക്ഷങ്ങള്‍ വരുമെന്നും, ശിഷ്ടകാലം താന്‍ വൃദ്ധസദനത്തില്‍ ആയിരിക്കുമെന്നുമൊക്കെ അശരീരി കേട്ടതായും മാണി അപ്പൂപ്പന്‍ ഡോക്ടറോട് പറഞ്ഞു.

കര്മ്മനിരതന്‍ !

2010-02-02T20:56:00.000-08:00

ബോംബ്‌ സ്ക്വാഡ് ഉദ്യോഗസ്ഥന്‍ ആള്കൂട്ടത്തോട്‌ കേണു, "ഈ വിരലുകളില്‍ ഏതിലെങ്കിലും ഒന്ന് തൊട്ടേ...."

പത്രാധിപര്‍ക്ക് ഒരു കത്ത്

2010-02-02T02:15:00.000-08:00

ബഹുമാനപെട്ട സര്‍,

തെങ്കാശി പാല് നിരോധിക്കാനുള്ള നടപടി തടയൂ..... കാരണം ഞങ്ങള്‍ക്ക് ശുദ്ധമായ പൈമ്പാലിന്റെ ചുവ പിടിക്കില്ല,

എന്ന് സ്വന്തം
മായം തീനി തലമുറ.

തെറ്റ് തിരുത്തല്‍ രേഖ

2010-01-30T22:55:00.000-08:00

അവന്റെ പെങ്ങള്‍ നിറവയറുമായി വന്നപ്പോള്‍ 'അബദ്ധമെന്നു' ഒമാനിക്കുന്നത്, ഒരാണ്ട് മുമ്പെന്നെ 'കൂതറ' എന്ന് വായ്‌ക്കുരവയിട്ട് സ്വീകരിച്ചതിനു പ്രായശ്ചിത്തം ആയാണത്രേ!

ഹെല്‍ത്തി മൈന്‍ഡ് ഇന്‍ എ ഹെല്‍ത്തി ബോഡി !

2010-01-28T07:43:00.000-08:00

സ്വന്തം ശരീരത്തില്‍ നിന്നും ഒലിക്കുന്ന ചോര നോക്കി ചിരിച്ചുകൊണ്ട് അവള്‍ പറഞ്ഞു, "ആരേലും ഒന്ന് അളന്നു വയ്ക്കണേ, എത്ര കലോറി കുറഞ്ഞു എന്നറിയാനാ...!"

ഓടിയന്‍സ് ചോയ്സ് !

2010-01-25T07:01:00.000-08:00

കരണ്ട് വേലിയില്‍ ചുറ്റിപിണഞ്ഞു കിടന്ന അമ്മായിയമ്മയായിരുന്നു, ആ വര്‍ഷത്തെ മികച്ച മലയാള കുടുംബചിത്രം.

ഭക്തി മാര്‍ഗം.

2010-01-15T10:45:00.000-08:00

സൂര്യ ഗ്രഹണത്തില്‍ നിന്നും മുഖം മറച്ചു ഞാന്‍, മകരവിളക്ക്‌ കാണാന്‍ തിരക്കിട്ട് നടന്നു.

മഹാന്‍ !

2010-01-06T19:57:00.000-08:00

ഇരുത്തം വന്നിരുത്തം വന്നെഴുതാതിരിക്കലായ് !

ഇസം !

2009-12-26T06:02:00.000-08:00

1947 മാന്‍ ഓഫ് ദി ഇയര്‍...........

ഇന്നു നോട്ടിലുണ്ട്, നാട്ടിലില്ല.

അന്ധനെ വഴിനടത്തുന്ന പൊട്ടന്‍ അഥവാ ഒഴിഞ്ഞ പാത്രം

2009-12-26T03:23:00.000-08:00

കഴിഞ്ഞ അഞ്ചു വര്‍ഷമായിട്ടവനെ അവര്‍ വിളിച്ചതു 'വിക്കന്‍' എന്നായിരുന്നില്ല, you speak broken english എന്നോ മറ്റോ അവന്‍ അറിയപ്പെട്ടു പോന്നു.

പൊരുത്തം

2009-12-25T09:30:00.000-08:00

കവിയെ വേട്ടവള്‍ വായ്‌നാറ്റത്തെ പഴിച്ചപ്പോള്‍, അകലെ ഒരുത്തി ആസ്വാദനം എഴുതി കാത്തിരിപ്പുണ്ടായിരുന്നു.

ഒരു മിശ്ര വിവാഹത്തിലെ അവസാന സന്തതി

2009-12-23T11:09:00.000-08:00

അമ്മ, വേദങ്ങളുടെ കതിരിറുക്കാതിരിക്കാന്‍, തന്ത, നസ്രാണി വിത്തിറക്കി കാത്തിരുന്നു.

ഒരു തിരുപിറവി !

2009-12-22T21:23:00.000-08:00

ക്രിസ്തുമസിന്റെ തലേന്ന് യൌസേപ്പ് പിതാവിനോട്, മറിയത്തിന്റെ ക്ഷേമം അന്വേഷിച്ചപ്പോള്‍ കിട്ടിയ മറുപടി, "എങ്ങനുണ്ടെന്നോ ?!, അവള്‍ക്കോ !! രണ്ടായിരത്തെട്ട് പേറും പെറ്റു പുലകുളിം കഴിഞ്ഞ അവള്‍ക്കിനി ..........."

കോല് മുട്ടായി

2009-12-21T22:26:00.000-08:00

ആദ്യ രാത്രി കഴിഞ്ഞപ്പോഴേക്കും, അയാളുടെ ശരീരത്തില്‍ അങ്ങിങ്ങായി കോപ്പിറൈറ്റ് ചിഹ്നങ്ങള്‍ പ്രത്യക്ഷപ്പെട്ടത്രേ.

മള്‍ടി പര്‍പസ്

2009-12-21T13:44:00.000-08:00

തടി കുറയ്ക്കാന്‍ എടുക്കുന്ന ഡയറ്റിങ്ങിനൊപ്പം ഒരു തുണ്ട് 'ആമേന്‍' ചേര്‍ത്തു ഞാനത് നോമ്പ് ആക്കി.

ഗെയിം ബോയ്‌

2009-12-21T13:29:00.000-08:00

അന്നൊക്കെ അക്കം പഠിച്ചാല്‍ പിഴയ്ക്കാം, ഇന്നതിനൊറ്റ ധര്‍മം "സുഡോകു" മാത്രം.

മണല്‍ മാഫിയ !

2009-12-21T10:22:00.000-08:00

പുഴ നീന്തി കടന്നവന്റെ ഉടുമുണ്ടഴിച്ച് പരിശോധിച്ച് കൊണ്ട്, മണല്‍ കൊള്ള തടയാന്‍ നടപടി ആരംഭിച്ചു.

ഒരു ശരീരവും ഒരു മനസും

2009-12-21T09:27:00.000-08:00

മുന്തിരിച്ചാര്‍, ചഷകത്തെ കൊണ്ട് ആണയിടീച്ചു,
"സത്യം ചെയ്യ് , ആരുടേയും മുന്‍പില്‍ തല കുനിക്കില്ലെന്ന് " !

ബോധോദയം

2009-12-21T07:03:00.000-08:00

വറ്റിയ കിണറിനു ചുറ്റും നടന്നു മണ്ടൂകം വിലപിച്ചു "അല്ലയോ കൂപമേ, നിനക്കും പിണഞ്ഞല്ലോ...ഗ്ലോബല്‍ വാര്‍മിംഗ് !!!"

ക്ലിക്ക് to ക്ലോസ്

2009-12-20T13:49:00.000-08:00

അവന്റെ വിളഞ്ഞ ദാമ്പത്യം, ഒരു സെക്സ് സര്‍വേയില്‍ കുത്തിഒലിച്ചു പോയി.

സിംഗിള്‍

2009-12-20T13:11:00.000-08:00

കടുത്ത സ്ത്രീ വിരോധത്തിന്റെ മറ്റേയറ്റം സ്വന്തം കഷണ്ടിത്തലയില്‍ കെട്ടിവലിച്ചു കൊണ്ട് നടന്നു വിവാഹിതന്‍.

ക്ലീഷേ

2009-12-20T11:49:00.000-08:00

ഫിലിം ഫെസ്റ്റിവല്‍ കൌണ്ടെറില്‍ കൈ എത്തിച്ചു കൊണ്ട് ബുദ്ധിജീവി പറഞ്ഞു, "ഒരു A/C സ്ലീപ്പര്‍".

അദ്വൈതം

2009-12-20T03:48:00.000-08:00

" തൂണിലും തുരുമ്പിലും" ഉള്ള ഈശ്വരന്റെ അറ്റകുറ്റ പണികള്‍ക്ക് ദേവസ്വം ബോര്‍ഡ് ടെന്റര്‍ ക്ഷണിച്ചു.

ന്യൂസ്‌ ‍മേക്കര്‍

2009-12-20T03:28:00.000-08:00

യാത്ര ചെയ്യാതെഴുതിയ യാത്രാവിവരണം, മൂര്‍ച്ചയില്ലാ പത്രത്തിന്റെ തലക്കെട്ടായി.

ഇലക്ക്ട്രാ കോംപ്ലക്സ്

2009-12-20T00:45:00.000-08:00

രക്ഷിതാവിനു നേരെ "അച്ഛന്‍" എന്ന് കുറിച്ച അപേക്ഷകന്‍, രക്ഷിതാവുമായുള്ള ബന്ധത്തിന് "അമ്മേടെ നായര്" എന്നെഴുതി നയം വ്യക്തമാക്കി.

ബ്ലാക്ക്‌ ബ്യൂട്ടി

2009-12-20T00:10:00.000-08:00

കറുത്ത പെണ്‍കുട്ടി കരഞ്ഞു പ്രാര്‍ഥിച്ചു "കര്‍ത്താവെ പ്ലീസ്...... ഒരു ലവ് ജിഹാതെങ്കിലും....."

സിലബസ്

2009-12-19T22:21:00.000-08:00

രണം അങ്ങനങ്ങനിന്ന്‍ ആംഗലേയം, രണ ഭൂമി പോലും വൈദേശികം-സ്വരം വന്നുവന്ന് ഇന്ന്‍ ആംഗലേയം, സ്വരതാവും താളവും വൈദേശികം.

നീതി

2009-12-19T11:13:00.000-08:00

പ്രഭാവതി ടീച്ചറുടെ മരണം സ്വാഭാവികമായിരുന്നു എന്ന് തീര്‍പ്പ് കല്പിച്ച പോസ്റ്റ്‌മാര്‍ട്ടം റിപ്പോര്‍ട്ടില്‍, "ജനിച്ച അന്ന് മുതല്‍ മരണത്തിലേക്കുള്ള യാത്രയാണല്ലോ ജീവിതം" എന്ന് പരാമര്‍ശിച്ചിരുന്നു.

കവാത്ത്

2009-12-19T10:40:00.000-08:00

മുതലാളിയെ ഇടം കണ്ണിട്ടു നോക്കി, അയാളുടെ ചൊറി പിടിച്ച പട്ടിയെ കളിപ്പിച്ചു, കുട്ടിയെ കുളിപ്പിച്ചു.

രക്ത "സാക്ഷി"

2009-12-19T10:10:00.000-08:00

"നമ്മുടെ പ്രണയത്തിനു സാക്ഷി, ദൈവവും പിന്നെ ഈ കൊച്ചു ക്യാമറയും."

കോപ്പന്‍ ഹാഗന്‍

2009-12-19T09:51:00.000-08:00

ഓസോണ്‍ പാളിയിലെ വിള്ളലടയ്ക്കാന്‍ കൂടിയ യോഗത്തിന് ശേഷം പ്രധാനമന്ത്രി പ്രഖ്യാപിച്ചു............. "പണി പാളി' !

മുഖംമൂടി

2009-12-19T09:22:00.000-08:00

കലാതിലകം നഷ്ടപെട്ടവളുടെ നിലവിളി, പ്രച്ഛന്നവേഷ വിധി നിര്‍ണ്ണയത്തെ സാധൂകരിക്കുന്നതായിരുന്നു.

സ്‌കൂള്‍ ബോയ്‌

2009-12-19T09:15:00.000-08:00

മര പലക അടര്‍ന്ന കരി ബെഞ്ചില്‍ ഉഴലുന്ന‍, കല്ലും കരുത്തും തഴമ്പായി പിറന്ന പിതൃകോടികള്‍ക്ക്, ഇവന്‍ ആശാമരം.

ചരമകോളം

2009-12-19T07:30:00.000-08:00

വക്കടര്‍ന്ന മണ്‍ കൂജ, വായില്‍ മണ്ണിട്ട്‌ കൊണ്ട് ജീവജലം ഒഴുക്കി...

ചങ്ങല

2009-12-18T12:56:00.000-08:00

പുരുഷന്റെ മൃഗശാലയില്‍ സ്ത്രീയെ തിരഞ്ഞു പോയ ഞാന്‍ കണ്ടത്, കൂട്ടില്‍ കിടക്കുന്ന കുറെ മോഹങ്ങളാണ്.

പഴമ്പുരാണം

2009-12-18T12:48:00.000-08:00

"ഇതാ ചരിത്രം ഉറങ്ങുന്ന മണ്ണ് " എന്ന് വിരല്‍ ചൂണ്ടിയ ടീച്ചറോട് കുട്ടി നെറ്റിചുളിച്ചു, "ഇനിയും ഉണര്‍ന്നില്ലേ?"

പ്രൈസ് ദി ലോര്‍ഡ്‌

2009-12-18T12:40:00.000-08:00

"അദ്ഭുതങ്ങള്‍ തീര്‍ന്നിട്ടില്ല" എന്ന് പാടിയ ഉപദേശി, സള്‍ഫര്‍ എറിഞ്ഞു അത് തെളിയിച്ചു.

ലോക പോലീസ്

2009-12-18T10:42:00.000-08:00

ജനാധിപത്യ രാജ്യത്തിന്റെ മെയിന്‍ ഫ്യൂസ് ഊരിക്കൊണ്ട് അമേരിക്ക പറഞ്ഞു "ഇനി കരണ്ട് ബില്‍ അടച്ചിട്ടു മതി.........."

സവര്‍ണന്‍

2009-12-18T10:33:00.000-08:00

കുടിയാന്റെ ഭാര്യയുടെ മുലപ്പാല്‍, വെറും അമ്മിഞ്ഞയാണെന്ന്, പൂപ്പല്‍ മണക്കുന്ന പഴയൊരു നിഘണ്ടു പറഞ്ഞുതന്നു.

തൂണിലും തുരുമ്പിലും

2009-12-18T10:19:00.000-08:00

ഇടിമിന്നല്‍ അടിച്ചു പാറമട ഇടിഞ്ഞതിന്റെ നാലാം നാള്‍ അവിടൊരു നിലവിളക്ക് തെളിഞ്ഞു, പിന്നെ പാറസ്വാമി,
പാറയമ്മാള്‍,
പാറ ഭജന,
പാറ വെടി!!!!

തിരുവാ..

2009-12-18T10:11:00.000-08:00

വകുപ്പ് മന്ത്രി നല്‍കിയ ലാക്ടോമീറ്റര്‍ ഘടിപ്പിച്ച മുലകള്‍ മാത്രം ഇനി വികസനത്തിന്റെ പാല്‍ ചുരത്തിയാല്‍ മതിയെന്നാണ് ഉത്തരവ് .

മണിപ്രവാളം

2009-12-18T09:45:00.000-08:00

കവി, മസ്തിഷ്ക വയറിളക്കത്തിന് ചികിത്സ തേടി എഴുത്താശാന്റെ വാതിലില്‍ മുട്ടി.

കൂട്ട്

2009-12-18T09:31:00.000-08:00

അടരാടുന്ന മനസ്സുകളെ നോക്കി, പ്രണയം
മൊഴിഞ്ഞു...... "എന്റെ നമ്പര്‍ വരും"!

സദാചാരം

2009-12-17T11:11:00.000-08:00

'പാത്തുമ്മയുടെ ആടില്‍' അശ്ലീലം കണ്ടെത്തിയ വിദഗ്ദസമിതി, പകരം "ടിന്റുമോന്‍ കഥകള്‍" ശുപാര്‍ശ ചെയ്തു.

പുകമറ

2009-12-17T10:27:00.000-08:00

'കൂടോത്രം നടത്തി' എന്ന കേസില്‍, മന്ത്രവാദിയോടൊപ്പം ഭൂതഗണങ്ങളെയും പ്രതി ചേര്‍ക്കണമെന്നു കോടതി നിരീക്ഷിച്ചു.

ഗുരുവന്ദനം

2009-12-17T10:07:00.000-08:00

സദാചാരത്തിന്റെ നേര്‍ത്ത രേഖകള്‍ കൊണ്ട് മനുഷ്യ ശരീരം വരഞ്ഞ ആ കലാകാരന്‍, തിയോളജി കലര്‍ന്ന ബയോളജി വെള്ളം, ഞങ്ങള്‍ക്ക് കുടിക്കാന്‍ തരുമായിരുന്നു.

പാചകകുറിപ്പ്

2009-12-17T09:17:00.000-08:00

താടി വാദവും, രോമ വാദവും ചേര്‍ത്തരച്ചാല്‍ സാധാരണക്കാരന്റെ തീവ്രവാദമായി...

രുചി

2009-12-17T08:03:00.000-08:00

ഒരു അമേരിക്കക്കാരന്റെന്റെ യാത്രാകുറിപ്പുകളില്‍ സാമ്പാര്‍ റിനെ, "ഇന്ത്യന്‍ അമ്മമാരുടെ രാസായുധ പ്രയോഗം" എന്ന് വിശേഷിപ്പിച്ചിരുന്നു!

കഠിനം പഠനം!

2009-12-16T10:31:00.000-08:00

20-20-0-15 വളപ്രയോഗം കായ് ഫലം കുറയ്ക്കുന്നു എന്ന ആരോപണം ഉയര്‍ന്ന സാഹചര്യത്തില്‍, സിലബസ് നവീകരിക്കാന്‍ വിദ്യഭ്യാസ വകുപ്പ് ഉത്തരവിട്ടു.

സ്വന്തം തടി

2009-12-16T10:15:00.000-08:00

പന്നിപനി ബാധിച്ചതിനെ തുടര്‍ന്ന് , വിശ്വാസികള്‍ക്ക് "പ്രതിരോധത്തില്‍ ഊന്നിയ ക്രിസ്തുമസ്സ് ആശംസകള്‍" നേര്‍ന്നു കൊണ്ട് ക്രിസ്തുമസ്സ് അപ്പൂപ്പന്‍ മടങ്ങി.

കാട്ടാക്കട

2009-12-16T09:38:00.000-08:00

കൗമാര പ്രണയത്തെക്കുറിച്ച് എഴുതിയ ഫീച്ചര്‍ ചീന്തി എറിഞ്ഞ കോളമിസ്റ്റ് , "പ്രണയവും പൂക്കളും ശബള മോഹങ്ങളും നിറമുള്ള കനവും ഉണ്ടായിരുന്നെങ്കിലും....." എന്ന് പാടിക്കൊണ്ട് തെരുവുകള്‍ തോറും അലഞ്ഞു നടന്നത്രെ.....

ആശയ വിനിമയം

2009-12-15T16:23:00.000-08:00

"ഞാന്‍ വിവാഹിതയാവുകയാണ് " എന്ന് എഴുതിയ കല്യാണക്കുറിയില്‍, "ഞാന്‍ സിം കാര്‍ഡ്‌ ഊരിവയ്ക്കുന്നു" എന്ന് അടിക്കുറിപ്പെഴുതി കൊണ്ട് കാമുകന്‍ ഒന്നാം സമ്മാനത്തിനു അര്‍ഹനായി.

നന്ദി, കടപ്പാട് !

2009-12-15T12:08:00.000-08:00

മകന്റെ ഹെലികോപ്റ്റര്‍ എറിയുന്ന ഭക്ഷണ പൊതി കാത്തു നിന്ന മാതാവിന്റെ കഥാര്‍സിസ് മറ്റൊരു സുനാമിയായിരുന്നു.

തിരയിളക്കം

2009-12-15T11:53:00.000-08:00

അറബിക്കടല്‍ എവിടെ എന്ന് ചോദിച്ച യുവതിയെ, കണ്ണാടിയുടെ മുന്‍പിലിരുത്തി അമ്മ മാറി നിന്നു.

അവസരവാദി

2009-12-15T11:29:00.000-08:00

"ഒന്ന് വീണാലെന്താ.. ചുളുവില്‍ ഒരു വിമാന യാത്ര തരപെട്ടില്ലേ" എന്നോര്‍ത്ത് തീരും മുന്‍പേ പനമ്പട്ടയുടെ ഉടലില്‍ പല്ല് കയറി.

പേപ്പല്‍ ലെഗസി

2009-12-15T10:54:00.000-08:00

തിരുപിറവിക്കു നേരമായപ്പോള്‍ വികാരി മൈക്കിലൂടെ അലറി "ആ ഉണ്ണിയേശു ഈ പരിസരത്ത് എങ്ങാനും ഉണ്ടെങ്കില്‍ പുല്‍കൂട്ടില്‍ കയറി കിടക്കണമെന്ന് അഭ്യര്‍ത്ഥിക്കുന്നു."

ഇംഗ്ലീഷ് മീഡിയം

2009-12-15T10:36:00.000-08:00

കേള്‍ക്കാന്‍ ഇമ്പമുള്ള പേരിട്ടു ശീലിച്ച അച്ഛന്‍ ഇളയവളെ 'ജെലസി' എന്ന് വിളിച്ചു പോന്നു.

പഠിപ്പിസ്റ്റ്

2009-12-15T10:23:00.000-08:00

എന്ത് നല്ല photostat മിഷ്യന്‍ ! തെറ്റുകള്‍ ഒക്കെ എത്ര കൃത്യമായിട്ടാണ് പകര്‍ത്തുന്നത്.

പത്ര ധര്‍മം

2009-12-15T10:13:00.000-08:00

അക്ഷരം ചത്ത താളിലെ ചിത്രം തെളിഞ്ഞു നിന്നു.

മണല്‍ പാസ്‌

2009-12-15T10:01:00.000-08:00

സ്ത്രീധനം ഒന്നും വേണ്ട, വല്ലതും തരാന്‍ ഉദ്ദേശ്യം ഉണ്ടെങ്കില്‍ 'മണലായിട്ടു' മതി .....

പേന

2009-12-14T05:08:00.000-08:00

കുട പിടിച്ച നിരൂപകന്‍, മഴയെക്കാള്‍ ഏറെ പേടിച്ചത്, തന്റെ പൂര്‍വകാല കൈപ്പടയെ ആയിരുന്നു

വയറ്റിപിഴപ്പ്

2009-12-14T04:56:00.000-08:00

രണ്ടാമത്തെ പുസ്തകം കൂടി പരാജയപെട്ടപ്പോഴേക്കും അയാളില്‍ ഒരു സ്വയം പ്രഖ്യാപിത നിരൂപകന്റെ DNA നാമ്പിട്ടിരുന്നു

മോചനം

2009-12-13T10:01:00.000-08:00

"ഒന്നാം തലാക്ക് രണ്ടാം തലാക്ക് മുത്തലാക്ക് " എന്ന് SMS അയച്ച് അയാള്‍ ബന്ധമൊഴിഞ്ഞു.

അ ടി യൊ ഴു ക്ക്

2009-12-12T12:06:00.000-08:00

Dear സുനാമി,

ഇന്ന് നിന്റെ birthday ആണ്, എന്റെ അച്ഛന്റെ ആണ്ടും..

ഓര്‍ഡര്‍ ഓര്‍ഡര്‍

2009-12-12T11:05:00.000-08:00

അസ്ലീലത്തിനു അര്‍ഥം ഹൈകോടതി വിധിച്ചു

ഇന്നത്തെ കഥ ~ ദാരിദ്ര്യം

2009-12-12T09:42:00.001-08:00

എല്ലന്‍ പട്ടി സ്വയം കുഴിച്ചിട്ടു.

;